ዲ.ዩ፤ ታህሳስ 28/2016 ዓ/ም (ህ.ዓ.ግ)፦ የዲላ ዩኒቨርሲቲ የጤናና ህክምና ሳይንስ ኮሌጅ አጠቃላይ ሆስፒታል አስተዳደር ከህሙማና ሰራተኞች ጋር የገና በዓልን በድምቀት አክብረዋል።
አቶ ትዝአለኝ ተስፋዬ፣ የዲላ ዩኒቨርሲቲ የጤናና ህክምና ሳይንስ ኮሌጅና አጠቃላይ ሆስፒታል ዋና ስራ አስፈፃሚ፤ የእንኳን አደረሳችሁ መልዕክት አስተላልፈው፤ በተለያዩ አጋጣሚዎች በሆስፒታላችን በዓሉን በማክበር ላይ ያላችሁ ሁሉ በቤታችሁ በዓልን እንዳከበራችሁ እንዲሰማችሁ ለማድረግ በማለም የሆስፒታሉ አስተዳደርና ሰራተኞች ይህንን ዝግጅት አዘጋጅተዋል ሲሉ ተናግረዋል።
አቶ ትዛአለኝ አያይዘውም፤ ሆስፒታሉን ተገልጋይ ተኮር ለማድረግ በጤና ሚኒስቴር በተቀመጠው መስፈርት መሰረት ሪፎርም ውስጥ በመግባት የተሻለ ስራ በመስራት ላይ መሆኑን ገልጸው፤ እየተሰሩ ያሉ የለውጥ ስራዎችን በማስቀጠል ተገልጋይን የተሻለ ተጠቃሚ ለማድረግ መጠነ ሰፊ ስራ እየተሰራ መሆኑን አስገንዝበዋል።
አቶ ዳንኤል ሽፈራው፣ የዲላ ከተማ ከንቲባ እንዲሁም የዲላ ዩኒቨርሲቲ ማስተማሪያ ሆስፒታል የቦርድ ሰብሳቢ በበኩላቸው፤ ይህንን መሰል ዝግጅት ላይ በመገኝታቸው መደሰታቸውን ገልጸው፤ በዓሉን ከቤተሰቦቻቸው ጋር ከማሳለፍ ይልቅ በዚህ ስፍራ ከተገልጋዮች ጋር በማክበር ለተሳተፉ ሁሉ አክብሮታዊ ምስጋናቸውን አቅርበዋል።
አሁን ላይ ተቋሙ እያሳየ ያለውን መሻሻል አጠናክሮ በመቀጠል ለበለጠ ውጤት እጅ ለእጅ ተያይዞ መስራት እንደሚጠበቅ ከንቲባው አያይዘው አንስተዋል።
በበዓል ዝግጅቱ ከታደሙት መካከል ያነጋገርናቸው አስታማሚዎችና ታካሚዎች በበኩላቸው፤ ይህንን መሰል ዝግጅት መዘጋጀቱ እንዳስደሰታቸው ገልጸው፤ ላዘጋጁት አካላትም ምስጋናቸውን አቅርበዋል።