ዲ.ዩ፤ ግንቦት 07/2016 ዓ/ም (ህ.ዓ.ግ)፦ የዲላ ዩኒቨርሲቲ ማህበረሰብ አገልግሎትና አጋርነት ዳይሬክቶሬት የማህበረሰብ ችግር ፈች የሆኑ ኘሮጀክቶችን ውጤታማ በሆነ መልኩ ለማፈላለግ የሚያግዝ ስልጠና ከጌዴኦ ዞን ባለድርሻ አካላት ጋር በመሆን ሰጥቷል።
የዲላ ዩኒቨርሲቲ የምርምርና ቴክኖሎጂ ሽግግር ም/ኘሬዝዳንት ሀብታሙ ተመስገን (ዶ/ር)፣ ፕሮጀክቶች በቀጥታ የማህበረሰቡን ችግር መቅረፍ የሚችሉ መሆን እንደሚጠበቅባቸው ገልጸው፤ የፕሮጀክት ማፈላለግ እሳቤም በዚህ ልክ መቃኘት እንደሚገባው ተናግረዋል።
አቶ ተካልኝ ታደሰ፣ የዲላ ዩኒቨርሲቲ የማህበረሰብ አገልግሎትና አጋርነት ዳይሬክተር በበኩላቸው፤ በአካባቢያችን በማህበረሰቡ ዙሪያ የሚታዩ ችግሮችን በጋራ ለመፍታት በርካታ ፕሮጀክቶችን ቀርጾ ማምጣት የሚቻልበት ተቋም በመሆኑ ይህን መሰል ሥልጠና አስፈላጊ ነው ሲሉ ተናግረዋል።
ፕሮፌሰር ሙሉጌታ ዳዲ፣ የሐዋሳ ዩኒቨርሲቲ መምህርና ተመራማሪ እንደገለፁት፤ አሁን ያለው ትውልድ በፈጠራ ዙሪያ ያለው ዝንባሌ የተሻለ መሆኑን በመጠቀም በፍላጎቱና በዝንባሌው በመደገፍ የማህበረሰብ ችግር የሚፈቱ ፕሮጀክቶች እንዲሰራ ማብቃት እንደሚቻል ገልጸዋል።
ስልጠናውን ከተሳተፉት መካከል ታረቀኝ ታደሰ (ዶ/ር) የሳይኮሎጅ ትምህርት ክፍል መምህርና ተመራማሪ፤ በፕሮጀክት ፈንድ አፈላለግ ዙሪያ ተጨማሪ ግንዛቤ እንደፈጠረላቸው ገልጸው፤ ይህንን መሰል የግንዛቤ ማስጨበጫ ስልጠና መሰጠቱ እንዳስደሰታቸው ነግረውናል።
ዲላ፤
የአረንጓዴው ምድር ዩኒቨርሲቲ፤
የህዝብና ዓለም አቀፍ ግንኙነት ዳይሬክቶሬት

Facebook:
https://www.facebook.com/Du.edu.et
Telegram: https://www.t.me
website: https://www.du.edu.et
Email: https://www.pirdir@du.edu.et