ዲ.ዩ፤ መጋቢት 12/2016 ዓ.ም (ህ.ዓ.ግ)፦ የዲላ ዩኒቨርሲቲ የተፈጥሮ ቀመር ሳይንስ ኮሌጅ በመማር ማስተማር፣ በተልዕኮ ልየታ እና በዩኒቨርስቲ መውጫ ፈተና ዙሪያ ከመምህራን ጋር ውይይት አካሂዷል።
ወንደሰን ገበየው (ዶ/ር)፣ የዲላ ዩኒቨርሲቲ የተፈጥሮ ቀመር ሳይንስ ኮሌጅ ዲን በመድረኩ ባደረጉበት ንግግር፤ አጠቃላይ የትምህርት ስርዓቱን ሪፎርም ለማድረግ ያስችል ዘንድ በተዘጋጀው የትምህርት ፍኖተ ካርታ፣ የመማር ማስተማር ሂደት እና በዩኒቨርስቲ የመውጫ ፈተና ከመምህራን ጋር መወያየት አስፈላጊ በመሆኑ የተዘጋጀ ውይይት መሆኑን ጠቁመዋል።
ዶ/ር ወንደሰን አክለውም፤ የተፈጥሮ ቀመር ሳይንስ ኮሌጅና በስሩ የሚገኙ ትምህርት ክፍሎች ተግባራዊ ትምህርት እና የመምህራን ትምህርት በዋናነት ሲሰራበት እንደቆየና በአዲሱ የትምህርት ፍኖተ ካርታም በተሰጠው ተልዕኮና ዓላማ ለማሳካት ከመምህራን ጋር ሰፊ ውይይትና የምክክር መደረጉን አስገንዝበዋል ።
መምህር ማቴዎስ ሆሲሳ፣ በተፈጥሮ ቀመር ሳይንስ ኮሌጅ ተወካይ የአካዳሚክ ምክትል ዲን በበኩላቸው፤ በመድረኩ በመማር ማስተማር የተከናወኑና እየተከናወኑ ያሉ ስራዎችን እንዲሁም በ2015 ዓ.ም የተሰጠው የዩኒቨርሲቲ መውጫ ፈተና ውጤት ሪፖርትና በ2016 ዓ.ም የሚሰጠው የዩኒቨርስቲ መውጫ ፈተና የስራ ዕቅድ አቅርበው በመድረኩ ተሳታፊዎች ውይይት ተካሂዶባቸዋል።
በ2015 ዓ.ም ኮሌጁ የዩኒቨርሲቲ መውጫ ፈተና ከወሰዱት ተማሪዎች 81.37 በመቶ ተማሪዎችን በማሳለፍ በዩኒቨርሲቲው 3ኛ ደረጃ መያዙ ይታወቃል። ለተመዘገበው ውጤት አስተዋጽኦ ላበረከቱ ትምህርት ክፍሎች እና ባለድርሻ አካላት የእውቅና ምስክር ወረቀት የመስጠት ስነ ስርዓት ተካሂዷል።
ዲላ፤
የአረንጓዴው ምድር ዩኒቨርሲቲ፤
የህዝብና ዓለም አቀፍ ግንኙነት ዳይሬክቶሬት

Facebook:
https://www.facebook.com/Du.edu.et
Telegram: https://www.t.me
website: https://www.du.edu.et
Email: https://www.pirdir@du.edu.et