የዲላ ዩኒቨርሲቲ ካውንስል አባላት በ2013 ዓ.ም. ዕቅድ አፈፃፀም እና በ2014 ዕቅድ ላይ ውይይት አካሄዱ፡፡

ዲ.ዩ. መሰከረም 20/2014 ዓ.ም. (ህ.ግ) በተቋማችን ያሉ ችግሮችን ሆነ ጠንካራ ስራዎችን አውጥተን ተነጋግረን ለድክመቶቻችን መፍትሄ÷ ጠንካራ ጎናቻችንን ደግሞ ለማስቀጠል የካውስል አባላት ሚና የጎላ ነው ያሉን የዲላ ዩኒቨርሲቲ ኘሬዚዳንት ዶክተር ችሮታው አየለ ባለፉት ግዜያት ከካውሰል አባላት ጋር ለመገናኝትና ለመወያየት የኮቭድ-19 ተጽዕኖ ትልቅ ተግዳሮት እንደነበረ ተናግረዋል፡፡ የዬዘርፉ ኃላፊዎች ሪፖርታቸውን ያቀረቡ ሲሆን በየክፍሉ የተሰሩትንና ልሰሩ የታቀዱትን በሪፖርት አቅርበዋል፡፡ እንዲሁም በዬዘርፉ በበጀት ዓመቱ መልካም ተሞክሮዎችና ስኬቶችም የተዳሰሱ ሲሆን ያጋጠሙ ችግሮችና የተወሰዱ የመፍትሄ እርምጃዎች ተብራርተዋል፡፡ የካውንስል አባላቱም በሪፖርት አቀራረብ መደሰታቸውን ገልፀው የተለያዩ ጥያቄዎችን ለየዘርፍ ኃላፊዎች አቅርበው ምላሽና ማብራሪያ የተሰጠባቸው ሲሆን በ2014 የበጀት ዓመት የተሳካ ስራ ለመስራት ተነጋግረዋል፡፡

ዲላ ዩኒቨርሲቲ "ነጩ ፖስታ ወደ ነጩ ቤተ-መንግስት" ሃገራዊ ዘመቻን ተቀላቀለ።

ዲ.ዩ መስከረም 20 ቀን 2014 ዓ.ም (ህ.ግ) የዲላ ዩኒቨርሲቲ የ"ነጩ ፓስታ ወደ ነጩ ቤተ-መንግስት" ዘመቻ መቀላቀሉን መልዕክት በማስተላለፍ ንግግራቸውን የጀመሩት የዩኒቨርሲቲው ፕሬዝዳንት ዶ/ር ችሎታው አየለ ይህ ሃገራዊ ዘመቻ የአሜሪካ መንግስት ይልቁንም ፕሬዝዳንቱ ሀገራችን ላይ የሚያደርጉትን ፍታዊ ያልሆነ ጫና እንዲቀንሱና ከእኛ ላይም እጃቸውን እንዲያነሱ ለማድረግ ታስቦ የተጀመረ ሃገራዊ ዘመቻ መሆኑን ተናግረዋል። ፕሬዝዳንቱ አክለውም የዩኒቨርሲቲው ማህበረሰብ ከዚህ ቀደም በሰሜኑ የኢትዮጵያ ክፍል ሰላም በማስከበር ግዳጅ ላይ መስዋህትነት እየከፈለ ለሚገኘው የሀገር መከላኪያ ሠራዊት 30 ሚሊዮን ብር የሚጠጋ ገንዘብ ድጋፍ በመለገሰ አጋርነቱን ማሳየቱን ገልጸው በቀጣይ ሳምንት ደግሞ ለተፈናቀሉ ወገኖች በአይነት ድጋፍ ለማድረግ እንደ ተቋም ዕቅድ መያዙን ገልፀዋል።

የዲላ ዩኒቨርሲቲ በፋይናንስ አሰራርና አስተዳደር ዙሪያ ስልጠናና ምክክር መድረክ አደረገ፡፡

ዲ.ዩ መስከረም 13/2014 ዓ.ም (ህ.ግ) ሀገር ልታድግና ወደ አለመችበት ደረጃ ልትደርስ የምትችለው ያላትን ሀብትና ንብረት በአግባቡ ስትጠቀም ነው ያሉን ዶ/ር ዳዊት ሀዬሶ የዲላ ዩኒቨርሲቲ አስ/ተማ/አገልግሎት ም/ፕሬዝዳንትና የፕሬዝዳንቱ ተወካይ በዩኒቨርሲቲው ያሉ የፋይናንስ፣ የግዥ፣ የኦዲት፣ የዕቅድና የሚመለከታቸው ባለሙያዎችን ስልጠና መስጠት ያስፈለገው በሦስቱም ግቢዎች ያልተማከለ አሰራር ለመዘርጋት የሚደረግውን ጥረት ለማሳለጥ ነው ብለዋል፡፡
በዋናነት አሉ ዶ/ር ዳዊት በሦስቱም ግቢዎች በጄጂ የተመደቡ ሰራተኞችን ከነባር ሰራተኞች ጋር በስራ የልምድ ልውውጥ እንዲያደርጉና የሦስቱም ግቢዎች አሰራር አንድ ወጥ እንዲሆን ታስቦ ነው ብለዋል፡፡

የዲላ ዩኒቨርሲቲ ሕክምናና ጤና ሳይንስ ኮሌጅ ሪፌራል ሆስፒታል በጉጉት ሲጠበቅ የነበረውን የሲቲ ስካን (CT Scan) ማሽን አስገባ::

ዲዩ መስከረም 14/2014(ህ.ግ) አብዛኛውን ጊዜ የሪፌር ምክንያት ሆኖ የቆየውን ሲቲ ስካን ማሽን የህብረተሰብን ችግር በመረዳት መግዛቱን የተናገሩት የዲላ ዩኒቨርሲቲ ጤና ሳይንስ ኮሌጅና ሪፌራል ሆሰፒታል ም/ኘሬዝዳንት ዶ/ር ሰላማዊት አየለ በዚህ CT Scan ማሽን እጦት በርካታ የአከባቢው ማህበረሰብ ከፍተኛ መጉላላት ይደርስባቸው እንደነበር ገልፀው ማሽኑ የጌዴኦ ዞንን ጨምሮ እስከ ሞያሌ ድረስ ላሉ አጎራባች ማህበረሰብ ትልቅ አገልግሎት የሚሰጥና በዘርፉ ብቸኛ አገልግሎት ሰጪ ማሽን ያደርገዋል ብለዋል፡፡
ይህ ማሽን በተለይም የትራፊክ አደጋ ለደረሰባቸዉ ታካሚዎች፣ ለካንሰር ሕክምና እና ለሌሎችም በሽታዎች ምርመራ የሚያገልግልና ለዘርፉም ከፍተኛ እገዛ እንደሚያደርግ ገልፀዋል፡፡

የዲላ ዩኒቨርሲቲ ጤናና ህክምና ሳይንስ ኮሌጅ እና ሪፌራል ሆስፒታል ወደ 5 ሚሊዮን ብር የሚጠጋ የምርምርና የህክምና ዕቃዎችን ድጋፍ አደረገ።

ዲ.ዩ መስከረም 12 ቀን 2014 ዓ.ም (ህ.ግ) የዲላ ዪኒቨርሲቲ ሪፌራል ሆስፒታል 8 ለሚሆኑ የመንግስት ተቋማት ወደ 5 ሚሊዮን ብር የሚጠጋ የህክምና ዕቃዎችና የቢሮ መገልገያ መሳሪያዎችን ድጋፍ አደረገ።
ዶ/ር ዳዊት ሀዬሶ የዲላ ዩኒቨርሲቲ አስ/ተማ/አገልግሎት ም/ፕሬዝዳንት እና የዪኒቨርሲቲው ፕሬዚዳንት ተወካይ የዲላ ዩኒቨርሲቲ ጤናና ህክምና ሳይንስ ኮሌጅና እና ሪፌራል ሆስፒታል ማኔጅመንት አጥንቶ ባቀረበው ጥናት መሰረት የዲላ ዩኒቨርሲቲ ማኔጅመንት በሙሉ ልብ አፅድቆ በዛሬው ቀን እነዚህን ድጋፎች ለባለድርሻ አካላት እንዲሰጥ መወሰኑን ገልጸው ወደፊትም ይህን መሰሉ ድጋፍ ተጠናክሮ የሚቀጥል መሆኑን ተናግረዋል።

የዲላ ዩኒቨርሲቲ ማህበረሰብ ተኮር ሬዲዮ ጣቢያ (FM 89.00) የሥራ አመራር ቦርድ የ2013 ዓ.ም የበጀት ዓመት የእቅድ ክንውን ሪፖርት እና የ2014 ዓ.ም ዕቅድ ላይ ውይይት አደረገ::

ዲ.ዩ ነሐሴ 10/2014 ዓ.ም (ህ.ግ) ሬዲዮ ጣቢያው ብዙ ውጣ ውረዶችን አልፎ አሁን ላለበት ደረጃ መብቃቱን የገለጹት የዲላ ዩኒቨርሲቲ ፕሬዝዳንት እና የሬዲዮ ጣቢያው የሥራ አመራር ቦርድ ሰብሳቢ ዶ/ር ችሮታው አየለ ሬዲዮ ጣቢያው ከአማርኛ በተጨማሪ በአካባቢው በሚነገር በጌዴኦኛ ቋንቋ ፕሮግራም ስርጭት እንደሚያደርግ ገልጸው በኦሮሚኛና በሲዳሚኛ ቋንቋዎች የስርጭት ፕሮግራሙን ለማስፋት እየሰራ እንደሆነ ገልፀዋል፡፡
ከዚህም በተጨማሪ በዩኒቨርሲቲው ያሉት ኮሌጆች፣ የሥራ ክፍሎች እና የምርምር ማዕከላት ሥራቸውን በሬዲዮ ጣቢያው እንዲያስተላልፉ ፕሮግራም ተዘጋጅቶ ለግቢውና ለአካባቢው ማህበረሰብ ተደራሽ እንዲሆን ይሰራል ያሉት ዶ/ር ችሮታው የህዝብ ፍላጎትን ለማውቅ አስፈላጊ የዳሰሳ ጥናት ተደርጎ በቀጣይ አዳዲስ ፕሮግራሞችን ለመቅረጽ ብሎም አሁን ያሉትን ፕሮግራሞች የይዘት ማስተካከያዎችን ለማድረግ ጥረት ይደረጋል ብለዋል፡፡

ማስታወቂያ

በትግራይ ዩኒቨርሲቲዎች በክረምት ፕሮግራም ትምህርታችሁን ሲትከታተሉ ለነበራችሁ እና በዲላ ዩንቨርሲቲ በጊዜያዊነት ለተመደባችሁ ተማሪዎች በሙሉ

የዲላ ዩኒቨርሲቲ ጤና ሳይንስ ኮሌጅና ሪፌራል ሆስፒታል አመራሮችና ሠራተኞች አዲሱን ዓመት በበጎ ፍቃድ ስራ መቀበላቸው ተገለፀ::

ዲ.ዩ መስከረም 02/2014 ዓም (ህ.ግ) ትልቁ ደስታና ዕርካታ የሰው ልጅን በመርዳት የሚገኘውን ውጤት ማየት ነው ያሉን ዶክተር ሰላማዊት አየለ የዲላ ዩኒቨርሲቲ ጤና ሳይንስ ኮሌጅና ሪፌራል ሆስፒታል ም/ኘሬዝዳንት መላውን ሠራተኛ እንኳን ለ2014 ዓ.ም በሰላም አደረሳችሁ ብለው የጤና ሳይንስ ኮሌጅ ሠራተኞች ከበጎ ፍቃደኛ ግለሰቦችና ተቋማት ጋር በመተባበር አዲሱን አመት በአዲስ ራዕይና በአዲስ ተግባር መጀመራቸው እንዳስደሰታቸው ተናግረዋል:: 

የአዲሱ ዓመት ክብረ በዓል ከታካሚዎች÷ ከጎዳና ልጆችና ከአቅመ ደካማ እናቶችና አባቶች ጋር በመሆን በሆስፒታል ቅጥር ግቢ የተከበረ ሲሆን በዕለቱም የተዘጋጀውን ማዕድ በጋራ በመቋደስና ለጎዳና ልጆች ከበጎ ፍቃደኞች የተሰበሰበውን ልብስ በማደል ተከብሮ መዋሉን ዶ/ር ሰላማዊት ገልፀዋል:: 

እንዲህ አይነት ተግባር በጥራትና ቁጥጥር ማሻሻያ  ጽ/ቤት ከሚሰሩ የጥራት ለውጥ ሥራዎች አንዱ የሆነው የራህራሄና አክብሮት ህክምና (CRC) አገልግሎት አካል ነው ብለዋል:: 

ዲላ ዩኒቨርሲቲ በክረምት የበጎ-ፈቃድ ሥራ የአቅመ ደካሞችን ቤቶች ግንባታ ማስጀመሪያ መርሃ ግብር አከናወነ፡፡

ዲ.ዩ. ጳጉሜ 04 ቀን 2013 ዓ.ም (ሕ.ግ) የአዲስ ዓመት መልካም ምኞት መግለጫ መልዕክት በማስተላለፍ ንግግራቸውን የጀመሩት የዩኒቨርሲቲው ፕሬዝዳንት ዶ/ር ችሮታው አየለ የበጎ ፈቃድ ሥራው በያዝነው ክረምት ከ1 ሚሊዮን ብር በላይ የሆነ ገንዘብ በመመደብ በወናጎ ወረዳ 7 ቤቶች እንዲሁም በዲላ ከተማ 6 ቤቶች በድምሩ 13 ቤቶችን በ15 ቀናት ውስጥ ለተቸገሩ ቤተሰቦች ገንብቶ በማስረከብ በኢኮኖሚ አቅማቸው የተጎዱ ወገኖችን ለመደገፍ ታስቦ የተጀመረ ፕሮግራም መሆኑን ገልጸዋል፡፡  ለመርሃ ግብሩ መሳካት ድጋፍ ያደረጉትንና በዕለቱም ተገኝተው ሥራውን በጋራ ያስጀመሩትን የዲላ ከተማ እና የወናጎ ወረዳ አስተዳደር ካቢኔ አባላትን አመስግነው ቤት ለሚታደስላቸው ቤተሰቦችም እንኳን ደስ አላችሁ ብለዋል፡፡ ዶ/ር ችሮታው አያይዘውም እንዲህ ዓይነት ተግባር በቀጣይ አመትም ተጠናክሮ እንደሚቀጥል ገልጸዋል፡፡

Pages